தென்னம்தோப்பில் கை,கால் கட்டப்பட்டியிருந்த நிலையில் இருந்த 8-ஆம் வகுப்பு மாணவி மீட்பு

திருச்சி மாவட்டம் பேட்டைவாய்த்தலை அருகே ஒரு தென்னம் தோப்பில் கை, கால் கட்டப்பட்டியிருந்த நிலையில் இருந்த பள்ளி மாணவி ஞாயிற்றுக்கிழமை மீட்கப்பட்டார்.

பேட்டைவாய்த்தலை, ஆஞ்சநோயர் கோயில் அருகிலுள்ள ஒரு தென்னம்தோப்பில் ஞாயிற்றுக்கிழமை கை, கால், கட்டப்பட்டியிருந்த நிலையில் பெண் கிடந்தார். இதையறிந்த அப்பகுதி வழியாக சென்றவர்கள் அந்த பெண்ணை மீட்டு பேட்டைவாய்த்தலை காவல் நிலையத்தில் ஒப்படைத்தனர்.

இதையடுத்து போலீஸார் அந்த பெண்ணிடம் நடத்திய விசாரணையில் அவர் கரூர் மாவட்டம் குளித்தலை, இ.புதுப்பட்டி பகுதியைச் ஒருவருடைய மகள் என்றும் திருச்சியில் மேலப்புதூரில் விடுதியில் தங்கி 8-ஆம் வகுப்பு படித்து வந்ததாகவும்,  கடந்த 29-ஆம் தேதி தன்னை நான்கு பேர் கொண்ட கும்பல் கடத்தி சென்றதாகவும் அவர் தெரிவித்தார்.

இதையடுத்து அவர் திருச்சி கண்டோன்மென்ட் மகளிர் காவல் நிலையத்தில் ஒப்படைக்கப்பட்டார். அங்கு போலீஸாரால் தேடப்பட்ட மாணவி இவர் என்று தெரியவந்தது. திருச்சி பள்ளி மாணவி பேட்டவாய்த்தலைக்கு எப்படி சென்றார் அல்லது கடத்தப்பட்டார என்பது குறித்து போலீஸார் தீவிர விசாரணை மேற்கொண்டு வருகின்றனர்.