ஊராட்சி ஒன்றிய துவக்கப் பள்ளியில் தீ: ஆவணங்கள் கருகின

சிவகங்கை மாவட்டம், லாடனேந்தல் ஊராட்சி ஒன்றிய துவக்க பள்ளியில் ஏற்பட்ட தீ விபத்தில், மாணவர் சேர்க்கை ஆவணங்கள் மற்றும் ஜெராக்ஸ் மிஷின் உள்ளிட்ட பொருட்கள் கருகின.

இப்பள்ளியில் மூன்று ஆசிரியர்கள், 72 மாணவ, மாணவியர் படிக்கின்றனர். நேற்று அதிகாலை, பள்ளியில் இருந்து புகை வருவதை பார்த்த கிராம மக்கள் ஆசிரியர்களுக்கு தகவல் கொடுத்தனர். அவர்கள், பள்ளியை திறந்து பார்த்த போது துவக்க பள்ளி மாணவ, மாணவியர் சேர்க்கை ஆவணம், மாற்றுச் சான்று உள்ளிட்ட, 54 வகையான ஆவணங்கள் மற்றும் ஜெராக்ஸ் மிஷின் கருகியது தெரிந்தது. தீ விபத்திற்கான காரணம் குறித்து போலீசார் விசாரிக்கின்றனர்.