மாணவர்களுக்கு வாய்ப்புகள் அதிகம் காத்திருக்கிறது : சென்னை ஐ.ஐ.டி., இயக்குனர் பேச்சு

"படித்து முடிக்கும் மாணவர்களுக்கு, ஏராளமான வாய்ப்புகள் காத்திருக்கிறது,என, சென்னை ஐ.ஐ.டி., இயக்குனர் பாஸ்கர் ராமமூர்த்தி கூறினார். சிவகாசி மெப்கோ சிலாங் பொறியியல் கல்லூரி பட்டமளிப்பு விழாவில், அவர் பேசியதாவது: உலகம், இளைய தலைமுறையிடம் இருந்து அதிகம் எதிர்பார்க்கிறது. இந்தியா, உலக நாடுகளுடன் போட்டிபோட்டு, வேகமாக வளர்ந்து வருவதால், படித்து முடித்து வரும் மாணவர்களுக்கு, நல்ல வாய்ப்புகள் உள்ளன. உயர் கல்வி கற்பதால், ஏராளமான வேலை வாய்ப்புகள் உள்ளது. படித்து முடிக்கும் மாணவர்களுக்கு, வாழ்க்கையில் ஏராளமான வாய்ப்புகள் காத்திருக்கிறது. வாய்ப்புகள் வரும் நேரத்தில், ஒவ்வொருவரும் தங்களுக்கு ஏற்ற வாய்ப்பை தேர்வு செய்து கொள்ள வேண்டும். அந்த வாய்ப்பை பெறுவதற்கு, தொடர் முயற்சி அவசியம். சென்னை ஐ.ஐ.டி., ஆராய்ச்சி மாணவர்களில், பெருமளவு மெப்கோ இன்ஜினியரிங் கல்லூரி மாணவர்கள் உள்ளனர் என்பதில் பெருமையாக உள்ளது, என்றார்