டான்செட் தேர்வுக்கு விண்ணப்பிக்க இன்று கடைசி

தமிழ்நாடு பொது நுழைவுத் தேர்வுக்கு (டான்செட்) நேரில் விண்ணப்பிக்க (பிப்.24) இன்று கடைசி தேதியாகும்.

அரசு, அரசு உதவி பெறும் பொறியியல் கல்லூரிகள், கலை அறிவியல் கல்லூரிகளில் எம்.பி.ஏ., எம்.சி.ஏ. மற்றும் முதுநிலை பொறியியல் படிப்புகளில் சேர்வதற்கான டான்செட் தேர்வை அண்ணா பல்கலைக்கழகம் நடத்துகிறது. 2014-15 ஆம் ஆண்டுக்கான இந்தத் தேர்வு எம்.சி.ஏ. படிப்புக்கு மார்ச் 22-ஆம் தேதி காலையிலும், எம்.பி.ஏ. படிப்புக்கு மார்ச் 22-ம் தேதி மதியமும் நடத்தப்பட உள்ளது.

எம்.இ., எம்.டெக், எம்.ஆர்க். உள்ளிட்ட முதுநிலை பொறியியல் படிப்புகளுக்கு மார்ச் 23-ஆம் தேதி நடத்தப்பட உள்ளது.இதற்கான விண்ணப்பங்கள் பிப்ரவரி 1-ஆம் தேதி முதல் பெறப்பட்டன. ஆன்-லைன் மூலம் விண்ணப்பிப்பதற்கான கால அவகாசம் கடந்த 18-ஆம் தேதியுடன் முடிவடைந்தது.

சென்னை உள்பட பிற மாவட்டங்களில் அமைக்கப்பட்டுள்ள ஒருங்கிணைப்பு மையங்களில் நேரில் சென்று விண்ணப்பிக்க பிப்ரவரி 24 கடைசி தேதியாகும். இந்தத் தேர்வில் பங்கேற்க இதுவரை 72,998 பேர் பதிவு செய்துள்ளனர்.