சிவகங்கையில் ஆள்மாறாட்டம் : 10ம் வகுப்பு தேர்வெழுதியவர் கைது

சிவகங்கையில் இன்று காலை நடந்த 10ம் வகுப்பு பொதுத் தேர்வில் ஆள்மாறாட்டம் செய்து தேர்வெழுதிய நபரை தேர்வு ஆய்வாளர்கள் கைது செய்து காவல்துறையிடம் ஒப்படைத்தனர்.

10ம் வகுப்பு பொதுத் தேர்வு இன்று காலை தமிழகம் முழுவதும் துவங்கியது. இதில், சிவங்கையில் ஒரு தனியார் பள்ளியின் தேர்வு மையத்தில் தேர்வெழுதிய அலெக்சாண்டர் என்பவர் கைது செய்யப்பட்டார். அவர் திருநாவுக்கரசு என்ற மாணவருக்கு பதிலாக ஆள் மாறாட்டம் செய்து தேர்வெழுதியது தெரிய வந்தது.

இதனை, தேர்வு அறை பறக்கும் படை அதிகாரிகள் கண்டுபிடித்து காவல்துறையிடம் ஒப்படைத்தனர்