ஜூன் 29ல் நெட் தேர்வு: விண்ணப்பிக்க மே 5 கடைசி நாள்

கல்லூரி பேராசிரியர் பணிக்கான நெட் தகுதி தேர்வு ஜூன் 29ம் தேதி நடைபெறுகிறது. கல்லூரி பேராசிரியர் பணிக்கான தகுதி பெறுவதற்கும், இளநிலை ஆராய்ச்சி உதவி தொகை பெறுவதற்குமான நெட் தேர்வு ஆண்டுக்கு 2முறை அதாவது ஜூன் மற்றும் டிசம்பர் மாதம் நடத்தப்படுகிறது. அதன்படி இந்த ஆண்டு ஜூன் 29ம் தேதி இத்தேர்வுகள் நடைபெறவுள்ளது. விண்ணப்பிக்க விரும்புவோர் www.ugc.ac.in மற்றும் www.ugcnet online.in ஆகிய இணையதளங்கள் மூலம் ஆன்லைனில் விண்ணப்பிக்க வேண்டும். விண்ணப்பிக்க மே 5ம் தேதி கடைசி நாளாகும். இந்த தேர்வில் தகுதி பெறுபவர்கள், நாடுமுழுவதும் உள்ள கல்லூரிகள் மற்றும் பல்கலைக்கழகங்களில் உள்ள உதவி பேராசிரியர் பணிக்கு விண்ணப்பித்து சேர முடியும்.