தனியார் பள்ளிகளில் சேர்க்கப்படும் ஏழை மாணவர்களின் கல்வி கட்டணத்தை அரசே தரும்- தினகரன்

தனியார் பள்ளிகளில் சேர்க்கப்படும் ஏழை மாணவர்களின் கல்வி கட்டணத்தை அரசே தரும் என்று பள்ளிகள் சங்கத்தினரிடம் மெட்ரிக் பள்ளிகள் இயக்குநர் பிச்சை உறுதி அளித்துள்ளார்.

2013-14-ம் ஆண்டுக்கான நிலுவைத் தொகை 3 மாதத்துக்குள் அளிக்கபடும் என்றும் பிச்சை தெரிவித்துள்ளார். ஏழை மாணவர் கல்வி கட்டணத்தை மத்திய அரசு தராவிட்டாலும், தமிழக அரசு தர முடிவு செய்திருப்பதாகவும், இந்த ஆண்டில் 25 சதவீத இடங்களில் ஏழை மாணவர்களை சேர்க்குமாறும் மெட்ரிக் பள்ளி இயக்குநர் பிச்சை அறிவுறுத்தியுள்ளார்.

இயக்குநரின் முடிவு பற்றி மெட்ரிகுலேசன் பள்ளிகள் சங்கம் ஆலோசித்து முடிவெடுக்கும் என்று மெட்ரிக் பள்ளி இயக்குநரை சந்தித்த பின் தனியார் பள்ளிகள் சங்கத்தலைவர் தெரிவித்துள்ளார்.