தொடக்கக் கல்வி ஆசிரியர்களுக்கான மாறுதல் கலந்தாய்வு தேதி மாற்றம்

தொடக்கக் கல்வி ஆசிரியர்களுக்கான மாவட்ட மாறுதல் கலந்தாய்வு தேதி மாற்றப்பட்டுள்ளது என, மாவட்ட தொடக்கக் கல்வி அலுவலர் குணசேகரன் தெரிவித்துள்ளர்.

அவரது செய்திக்குறிப்பு:

இடைநிலை ஆசிரியர் மற்றும் பட்டதாரி ஆசிரியர் மாவட்ட மாறுதல் கலந்தாய்வை மட்டும் பள்ளிக் கல்வி இயக்ககத்துடன் இணைந்து இணையதளம் மூலம் நடத்தப்படுகிறது. மாவட்ட மாறுதல் கோரும் ஆசிரியர்கள் தாங்கள் பணிபுரியும் மாவட்டத்திலேயே இருந்து கொண்டு கலந்தாய்வில் பங்கேற்கலாம். இடைநிலை ஆசிரியர் மாவட்ட மாறுதல் கலந்தாய்வு 28ம் தேதிக்கு பதிலாக வரும் 30ம் தேதி மற்றும் ஜூலை 1ம் தேதி ஆகிய இரண்டு நாட்கள் நடக்கிறது. பட்டதாரி ஆசிரியர் மாவட்ட மாறுதல் கலந்தாய்வு 21ம் தேதிக்கு பதிலாக ஜூலை 2ம் தேதி நடக்கிறது. ஏற்கனவே மாவட்ட மாறுதல் கோரி விண்ணப்பித்துள்ள சம்பந்தப்பட்ட ஆசிரியர்கள் மற்றும் தற்போது புதிதாக விண்ணப்பிப்பவர்கள், விண்ணப்பங்களை நாளை (21ம் தேதி) பகல் 12:00 மணிக்குள் பூர்த்தி செய்து, சம்பந்தப்பட்ட உதவித் தொடக்கக் கல்வி அலுவலரிடம் ஒப்படைக்க வேண்டும். இவ்வாறு, செய்திக்குறிப்பில் கூறப்பட்டுள்ளது.