அகவிலைப்படியுடன் ஓய்வூதியம் வழங்க சத்துணவு பணியாளர்கள் கோரிக்கை

அகவிலைப்படியுடன் ஓய்வூதியம் வழங்க வேண்டும் என அரசுக்கு தமிழ்நாடு சத்துணவு பணியாளர் சங்கம் கோரிக்கை விடுத்துள்ளது.

இச்சங்கத்தின் மாநில நிர்வாகிகள் கூட்டம் மடப்புரம் சமுதாயக்கூடத்தில் மாநிலத் தலைவர் சே.க.விஜயபாண்டியன் தலைமையில் நடைபெற்றது. 

தீர்மானங்கள் வருமாறு: சத்துணவுக்கு தனித்துறை உருவாக்க வேண்டும். சத்துணவு பணியாளர்களை முழுநேர பணியாளராக்க வேண்டும். பணிவிதிகளை ஏற்படுத்தி, பணிவரன்முறை செய்து காலமுறை சம்பளம் வழங்க வேண்டும். ஓய்வூதியம் ரூ.1,000-ம் என்பதை மாற்றி, அரசுவிதிப்படி ஓய்வூதியம், குடும்ப ஓய்வூதியம் அகவிலைப்படியுடன் வழங்க வேண்டும் உள்ளிட்ட பல்வேறு தீர்மானங்கள் நிறைவேற்றப்பட்டன.