அரசு உயர்நிலைப்பள்ளி வளாகத்தில் அடிக்கடி சினிமா படப்பிடிப்பு: கல்வி பாதிப்பு

கொடைக்கானல் மேல்மலை கவுஞ்சியில், அரசு உயர்நிலைப்பள்ளி உள்ளது.

இப்பள்ளி வளாகத்தில் அடிக்கடி சினிமா படப்பிடிப்புகள் நடக்கின்றன. சில நாட்களுக்கு முன், "ஐ' என்ற படப்பிடிப்பு ஒரு வாரம் நடந்தது. படப்பிடிப்பிற்காக அமைக்கப்பட்ட கருங்கல் பாறை, ஓட்டல் முகப்பு, பங்களா போன்ற செட்டிங்' கள் அப்படியே உள்ளன. இந்த பகுதியில் அடிக்கடி படப்பிடிப்புகள் நடத்துவதால், மாணவர்களின் கல்வி பாதிக்கப்பட்டுள்ளது.இதுகுறித்து கோடைமலை அம்பேத்கர் மக்கள் இயக்க தலைவர் நாகராஜன் கூறுகையில், "அரசு உயர்நிலைப்பள்ளி வளாகத்தில் படப்பிடிப்பு நடக்கிறது. இதனால், இங்கு பயிலும் மாணவர்கள் படிக்காமல், படப்பிடிப்பை வேடிக்கை பார்க்கின்றனர். உரிய நடவடிக்கை எடுக்க வேண்டிய கல்வித்துறை அதிகாரிகளோ, பணத்தை வாங்கிக்கொண்டு படப்பிடிப்பு நடத்த அனுமதிக்கின்றனர். படப்பிடிப்பு நடத்த, மாவட்ட கல்வித்துறை அதிகாரிகள்அனுமதி அளிக்க கூடாது,'' என்றார்