8-ஆம் வகுப்பு தனித்தேர்வர்கள் 15-க்குள் விண்ணப்பிக்கலாம்

எட்டாம் வகுப்பு பொதுத் தேர்வு எழுத விரும்பும், தனித்தேர்வர்கள் வரும் மே 15-ஆம் தேதிக்குள் விண்ணப்பிக்கலாம் என, அரசு தேர்வுத் துறை அறிவித்துள்ளது.

காஞ்சிபுரம் மாவட்டத்தில், 2013-14 ஆண்டுக்கான எட்டாம் வகுப்பு பொதுத்தேர்வை தனித்தேர்வர்களாக எழுத விரும்புபவர்களுக்கு, விண்ணப்ப முகாம் திங்கள்கிழமை முதல் துவங்கியது.காஞ்சிபுரம், பி.எஸ்.எஸ்., நகராட்சி மேல்நிலைப் பள்ளியில் அமைக்கப்பட்டுள்ள நோடல் மையத்தில் ஆன்-லைன் மூலம் மட்டுமே தேர்வர்கள் விண்ணப்பிக்க வேண்டும்.ரூ. 125 தேர்வு கட்டணம், ரூ. 50 விண்ணப்ப கட்டணத்தை, ரூ. 40 தபால் தலை ஒட்டிய சுய முகவரியிட்ட உறையை விண்ணப்பத்துடன் சமர்ப்பிக்க வேண்டும். விண்ணப்பத்துடன் பிறப்பு சான்றிதழ் அல்லது பள்ளி மாற்று சான்றிதழை இணைக்க வேண்டும்.வரும் மே 15-ம் தேதிக்குள் விண்ணப்பிக்க வேண்டும். மேலும் விவரங்களுக்குwww.tn.dge.in என்ற இணையதள முகவரியில் விரிவான தகவல்களை தெரிந்து கொள்ளலாம் என்று அறிவிக்கப்பட்டுள்ளது.