விருது பெற்ற தமிழறிஞர்களுக்கு இலவச பேருந்துப் பயணச் சலுகை

தமிழ் வளர்ச்சித் துறையின் விருது பெற்ற தமிழறிஞர்களுக்கு தமிழ்நாடு முழுவதும் அரசுப் பேருந்துகளில் இலவச பேருந்துப் பயணச் சலுகை வழங்கப்படும் என தமிழக அரசு அறிவித்தது.

அதேபோல், தமிழறிஞர்களுக்கு வழங்கப்பட்டு வரும் மருத்துவப் படி ரூ.15-லிருந்து ரூ.100-ஆக உயர்த்தி வழங்கப்படும் எனவும் அறிவிக்கப்பட்டுள்ளது.

இதுவரை மருத்துவப்படி வழங்கப்படாத மூத்த தமிழறிஞர்களுக்கு ஏற்கெனவே மாதந்தோறும் வழங்கப்பட்டு வரும் ரூ.2 ஆயிரம் உதவித் தொகையுடன் மருத்துவப்படி ரூ.100 வழங்கப்படும் என சட்டப்பேரவையில் அமைச்சர் கே.சி. வீரமணி வியாழக்கிழமை அறிவித்தார்.