10, 12ம் வகுப்பு தேர்வுகளில் அரசுப் பள்ளி மாணவர்களின் தேர்ச்சி விழுக்காடு அதிகரிப்பதற்காக ஆசிரியர்களுக்கு பயிற்சி அளிக்கப்படுகிறது.
தமிழ்நாட்டில் 35 ஆயிரம் தொடக்கப்பள்ளிகளும், 10 ஆயிரம் நடுநிலைப்பள்ளிகளும், 5ஆயிரத்து 500 உயர்நிலைப்பள்ளிகளும் 5 ஆயிரத்து 800 மேல்நிலைப்பள்ளிகளும் உள்ளன. மொத்தத்தில் 56 ஆயிரத்திற்கும் மேற்பட்ட அரசு பள்ளிகள் உள்ளன. இந்த பள்ளிகளில் 7 லட்சம் 12ம் வகுப்புமாணவர்களும், 8 லட்சம் 10ம் வகுப்புமாணவர்களும் பயில்கின்றனர்.இவர்களில் குறைந்த மதிப்பெண் பெறும் மாணவர்களை அரசு இறுதித்தேர்வில் தேர்ச்சி அடையச்செய்வதற்காகவும் தேர்ச்சி பெறுவது கடினம் என்ற நிலையில் உள்ள மாணவர்களையும் கண்டறிந்துஅவர்களுக்கு தனியாக சிறப்பு வகுப்புகள் நடத்தப்படுகின்றன.
மேலும் குறைந்த மதிப்பெண் பெறும் மாணவர்களை தேர்ச்சி பெற வைப்பதற்காக அந்த மாணவர்கள் எளிதில் படிக்க வினா-விடை பயிற்சி ஏடு ஒன்று அந்தந்த மாவட்டத்தில் தயாரிக்கப்பட்டு வழங்கப்படுகிறது.இது குறித்து பள்ளிக்கல்வி இயக்குநர் வி.சி.ராமேஸ்வர முருகன் கூறியதாவது:10, 12ம் வகுப்பு தேர்ச்சி விழுக்காடு குறைந்த பள்ளிகளை கண்டறிந்து அந்த பள்ளிகளில் படிக்கும் மாணவர்கள் மீது தனி அக்கறை செலுத்தி தேர்ச்சி பெற வைக்க ஆசிரியர்களுக்கு பயிற்சி அளிக்கப்படுகிறது.
இந்த பயிற்சி அந்தந்த மாவட்டங்களில் அளிக்கப்பட்டு வருகிறது.வருகிற அரையாண்டு தேர்வில் மாணவர்கள் எடுக்கும் மதிப்பெண்ணை கொண்டு எந்த பாடத்தில் குறைவாக எடுத்திருக்கின்றனரோ அந்த பாட ஆசிரியர் குறிப்பிட்ட அந்த மாணவர்களுக்கு தனியாக பாடம் நடத்த வேண்டும்.
அந்த மாணவர் தேர்வில் செய்யும் பிழையை திருத்த வேண்டும். எப்படி எளிதில் தேர்ச்சி பெறலாம் என்பதற்கு எதை படிக்க வேண்டும் என்று மாணவர்களுக்கு ஆசிரியர்கள் சொல்லிக்கொடுக்கிறார்கள். இதனால் தேர்ச்சி விழுக்காடு கண்டிப்பாக உயரும்.இவ்வாறு ராமேஸ்வர முருகன் தெரிவித்தார்.
No comments:
Post a Comment