தஞ்சை தமிழ் பல்கலைக்கழகத்தில் மாரடைப்பை தடுப்பதற்கு மூலிகை மருந்து கண்டுபிடிப்பு: துணைவேந்தர் தகவல்

தஞ்சை தமிழ்ப் பல்கலைக்கழக துணைவேந்தர் திருமலை நிருபர்களிடம் கூறியதாவது: தஞ்சை தமிழ்ப் பல்கலைக்கழகத்தில் உள்ள மூலிகை அறிவியல் துறையில் மாரடைப்பு நோய் தடுப்புக்கு  புதிய மருந்து கண்டுபிடிக்கப்பட்டு வருகிறது. எலிகள் மூலம் இந்த மருந்து பரிசோதிக்கப்பட்டது. முதலில்  மாரடைப்பு நோயை உருவாக்கக்கூடிய மருந்துகள் 9 எலிகளுக்கு வழங்கப்பட்டது. பின்னர் மாரடைப்பை  குணப்படுத்துவதற்கான மூலிகை மருந்து 6 எலிகளுக்கு கொடுக்கப்பட்டது. மற்ற 3 எலிகளுக்கு  வழங்கவில்லை. இந்த 3 எலிகளும் ஒன்றரை நாளில் இறந்துவிட்டன. 

மருந்து புகட்டப்பட்ட 6 எலிகள்  எப்போதும்போல் சுறுசுறுப்பாக உள்ளது. இறந்த எலிகள் உயிருடன் உள்ள எலிகளின் மூலக்கூறு களை  எடுத்து டெல்லியில் உள்ள ஆய்வகத்துக்கு அனுப்பி வைக்கப்பட்டுள்ளது. இதன் முடிவுகள் விரைவில்  வந்து விடும். பின்னர் காப்புரிமை பெற்று பொதுமக்களுக்கு தமிழ்ப் பல்கலைக்கழக முத்திரையுடன் ம ருந்து வினியோகம் செய்யப் படும். இதேபோல் சிறுநீரக நோய் தடுப்புக்கான மருந்தும் கண்டுபிடிக்கப்ப ட்டு வருகிறது என்றார்.