பணியில் இல்லாத மாற்றுத்திறனாளி பி.எட்., பட்டதாரிகளுக்கு, சிறப்பு ஆசிரியர் தகுதித் தேர்விற்கான பயிற்சியளிக்க, அனைத்து மாவட்டங்களிலும் மையம் அமைக்கும் படி, மாநில கல்வியியல் ஆராய்ச்சி மற்றும் பயிற்சி நிறுவன இயக்குனர் உத்தரவிட்டுள்ளார்.
அவரது உத்தரவு:
பி.எட்., முடித்து பணியில் இல்லாத மாற்றுத் திறனாளிகளுக்கு, எளிதில் பணி கிடைக்க ஏதுவாக, தனியாக ஒரு சிறப்பு ஆசிரியர் தகுதித் தேர்வு (டி.இ.டி.,), ஆசிரியர் தேர்வு வாரியத்தால் நடத்தப்படும். இத்தேர்விற்கு விண்ணப்பிக்கும் பார்வையற்றவர்களுக்கு, மாவட்டங்களில் உள்ள, மாவட்ட ஆசிரியர் கல்வி பயிற்சி நிறுவனம் வாயிலாக, சிறப்பு பயிற்சி வழங்க, பள்ளிக் கல்வித் துறை மூலம் நடவடிக்கை எடுக்கப்படும் என, முதல்வர் ஜெ., தலைமை யில் நடந்த, மாற்றுத்திறனாளிகள் கோரிக்கை குறித்த ஆலோசனைக் கூட்டத்தில் முடிவெடுக்கப் பட்டது. அதன்படி, அனைத்து மாவட்டங்களிலும், நகரின் மையப்பகுதியில் எளிதில் அணுகும் வண்ணம் மையத்தை, மாவட்ட ஆசிரியர் கல்வி பயிற்சி நிறுவன முதல்வர்கள், தேர்ந்தெடுக்க வேண்டும். பயிற்சிக்குரிய கருத்தாளர் களை தேர்ந்தெடுப்பது, நிறுவன முதல்வர்களின் பொறுப்பு. பயிற்சி மையங்கள் நடத்துவதற்கான செலவு விவரங்கள், அனைத்து மாவட்ட முதன்மை கல்வி அலுவலர்களுக்கும் அனுப்பி வைக்கப்படும். இவ்வாறு, அதில் கூறப்பட்டுள்ளது.
No comments:
Post a Comment