பி.இ., சேர்க்கைக்காக, மூன்று லட்சம் விண்ணப்பங்களை அச்சிட, அண்ணா பல்கலை, ஏற்பாடு செய்து உள்ளது. விண்ணப்பம் மற்றும் தகவல் புத்தகம் அச்சிட, 2.2 கோடி ரூபாய்க்கு, "டெண்டர்' அறிவிக்கப்பட்டு உள்ளது. கடந்த ஆண்டு, 2.5 லட்சம் விண்ணப்பங்கள் அச்சிடப்பட்டன. இதில், 2.34 லட்சம் விண்ணப்பங்கள் விற்பனை ஆயின. இந்த ஆண்டு, புதிய கல்லூரிகள் வரவு மற்றும் தனியார் கல்லூரிகளின், "சரண்டர்' இடங்கள் ஆகியவை காரணமாக, மேலும் சில ஆயிரம் இடங்கள், கூடுதலாக, கலந்தாய்வுக்கு வரும்.
இதை கருத்தில் கொண்டு, இந்த ஆண்டு, மூன்று லட்சம் விண்ணப்பங்களை அச்சிட, அண்ணா பல்கலை திட்டமிட்டு உள்ளது. விண்ணப்பம் மற்றும் கல்லூரிகளின் விவரங்கள் அடங்கிய புத்தகம் அச்சிட, கடந்த, 31ம் தேதி, "டெண்டர்' அறிவிக்கப்பட்டு உள்ளது.
விலையில் மாற்றம் இருக்காது : கடந்த ஆண்டு, ஆதிதிராவிடர், பழங்குடியினர் பிரிவைச் சேர்ந்தவர்களுக்கு, 250 ரூபாயாகவும், இதர பிரிவினருக்கு, 500 ரூபாயாகவும், விண்ணப்பத்தின் விலை நிர்ணயிக்கப்பட்டது. "இந்த ஆண்டும், விண்ணப்பத்தின் விலையில், எந்த மாற்றமும் இருக்காது' என, பல்கலை வட்டாரங்கள் தெரிவித்தன.
No comments:
Post a Comment