சிவகங்கை தனியார் பள்ளியில், 10ம் வகுப்பு மாணவர்களிடம் வலுக்கட்டாயமாக கடிதம் பெற்று, தேர்வு எழுத தடை விதிப்பதாக புகார் எழுந்துள்ளது.
சிவகங்கை வாரச்சந்தை ரோட்டில் உள்ள அரசு உதவிபெறும் பள்ளியில், நேற்று முன்தினம் 10ம் வகுப்பு தேர்வு எழுத வந்த சுதாகர், மணிகண்ட பிரபு, நவீன்குமார், நவநீதகிருஷ்ணன், சுரேஷ், தினேஷ், ஆனந்தகுமார், அரவிந்த்குமார், பாலமுருகன் ஆகியோருக்கு அனுமதி மறுக்கப்பட்டது.
முதன்மைக்கல்வி அலுவலர் செந்திவேல் முருகன் விசாரித்தபோது, "ஒன்பது பேரையும் தேர்வு எழுத, பள்ளி நிர்வாகமே அனுமதிக்கவில்லை. அவர்கள் பெயரை தேர்வுத்துறைக்கு அனுப்பவில்லை' என தெரிந்தது.
கலெக்டர் ராஜாராமன், முதன்மைக்கல்வி அலுவலர் நடவடிக்கையால் ஆறு பேர் மட்டும் தேர்வு எழுத அனுமதிக்கப்பட்டனர்.
மற்ற மூன்று மாணவர்களும், நேற்று காலை, தமிழ் 2ம் தாள் தேர்வு எழுதச் சென்றபோது, கண்காணிப்பாளர்கள் அனுமதிக்கவில்லை. மூவரும் முதன்மைக்கல்வி அலுவலரிடம் புகார்
செய்தனர்.
இந்நிலையில், அதே பள்ளி மாணவர்கள் அர்ச்சுனன், கதிரவன் ஆகியோர், "எங்களை ஆங்கிலம், கணக்கு தேர்வை எழுதவிடாமல் பள்ளி நிர்வாகம் கடிதம் எழுதி வாங்கியுள்ளது' என, முதன்மைக்கல்வி அலுவலரிடம், நேற்று புகார் செய்தனர்.
அர்ச்சுனன் கூறுகையில், ""ஆங்கிலத்தில் சுமாராக படிப்பதால், "அடுத்தமுறை தேர்வு எழுத சம்மதிக்கிறேன்' என, என்னிடம் வற்புறுத்தி, பள்ளி நிர்வாகத்தினர் கடிதம் வாங்கினர். வேறு வழியின்றி எழுதி கொடுத்தேன்,'' என்றார்.
கதிரவன் கூறுகையில், ""கணக்குப் பாடத்தில் தோல்வி அடைவேன் என, அவர்களாகவே கருதி என்னிடம் எழுதி வாங்கினர்,'' என்றார்.
இவர்கள் இருவரும், தமிழ் முதல் தாள் தேர்வு எழுதியுள்ளனர்.
இந்த நேரக்குறைப்பிற்கான முயற்சிகளில் தமிழ்நாடு ஆசிரியர் கூட்டணியின் பொதுச்செயலர் திருமிகு செ முத்துசாமி அவர்கள் தொடர் முயற்சிகள் எடுத்து வருகிறார்.அவரது முயற்சிக்கு அனைவரும் உறுதுணை புரிய வேண்டுகிறோம்
ReplyDelete